Salm a Davydh.

1ARLOEDH, my a elow warnas, fisten dhymm;

klew ow lev pan alwav warnas.

2Re bo ow fysadow a-dheragos avel ynkys,

ha'm diwleuv drehevys avel offrynn gwesper.

3Gorr gwithyas, A ARLOEDH, a-rag ow ganow,

gwith daras ow diwweus.

4Na bleg ow holonn dhe dravyth dhrog,

dhe wul drogoberow

gans gwer a wra sherewneth;

na as vy dhe dastya aga boesow sawrek.

5Mes gwres den gwiryon ow gweskel – kuvder yw;

gwres ev ow rebukya: yth yw oyl war ow fenn;

ny wra ow fenn y nagha.

Mes ow fysadow a vydh prest erbynn aga drogoberow.

6Aga breusysi a vydh tewlys dhe'n dor ryb an garrek,

hag i a glew ow lavarow, rag hweg yns.

7Kepar ha den owth aras hag ow kloesya war an tir,

yn kettella y fydh aga eskern skattrys orth ganow ifarn.

8Mes ow dewlagas a vir orthis, A ARLOEDH Duw;

ynnos jy y hwilav skovva, na as vy dhe vos omdhivas.

9Gwith vy rag an vaglenn re worrsons er ow fynn,

ha rag antylli an dhrogoberoryon.

10Koedhes an debeles yn aga roesow aga honan,

ha my ow tremena yn saw.