Mae Myfyrdodau Dyddiol Cymdeithas y Beibl yn dilyn cynllun darllen Beibl M'Cheyne, a ddyluniwyd ar gyfer y rhai sydd am ddarllen y Beibl cyfan mewn blwyddyn. Mae pob myfyrdod yn canolbwyntio ar un o'i bedair pennod ddyddiol.
Darllenwch rhain yn Gymraeg.
Arglwydd, paratô fi i dderbyn dy air. Cliria fy meddwl a chynhesa fy nghalon. Gwna fi'n sicr o'th ddibenion cariadus imi, a llefara i'm bywyd heddiw.
Mae'r awdur yn parhau i fyfyrio ar Iesu yn cyflawni'r cyfamod a wnaeth Duw ag Israel. ‘Ond dim ond copi o'r ganolfan addoliad go iawn yn y nefoedd ydy'r cysegr maen nhw'n gweini ynddo’ meddai. Fodd bynnag, mae Iesu yn offeiriad yn y nefoedd: ‘Dyna'r cysegr mae hwn yn gweini ynddo – y ganolfan addoliad go iawn sydd wedi'i chodi gan yr Arglwydd ei hun, a dim gan unrhyw berson dynol’ (adnod 2).
Rhoi ffordd o gael mynediad at Dduw drwy amodau'r hen gyfamod yr oedd offeiriad cyffredin. Byddai offeiriad nefol perffaith yn rhoi mynediad perffaith drwy gyfamod newydd. Mae'r llythyr at yr Hebreaid yn dyfynnu Jeremeia 31.31–34, lle dywed y proffwyd, ‘Bydda i'n rhoi fy nghyfraith yn eu calonnau nhw, ac yn ei hysgrifennu ar eu meddyliau nhw.’
Mae hon yn ddadl eithaf technegol, ond mae ei goblygiadau'n eglur ddigon. Mae'r ‘llun a chysgod’ wedi dod yn realiti. Mae'r dyn yn y canol wedi cael ei ddileu; Iesu ei hun yw'r ffordd, y gwirionedd a'r bywyd.
Felly mae dilynwyr Iesu, yn hytrach na dangos eu hymlyniad at Dduw drwy gadw rheolau, yn ei ddangos drwy fod yn debyg i Grist. Nid ar offeiriad dynol neu ar fframwaith o reolau a rheoliadau yr ydym yn dibynnu, ond ar Grist.
Gan fod natur ddynol fel y mae, rydym yn tueddu i lithro'n ôl i hen arferion. Mewn rhai ffyrdd mae byw yn ôl y rheolau'n haws, neu o leiaf barnu'r rhai nad ydynt yn gwneud hynny. Ond mae Crist yn ein rhyddhau i ddod yn blant i Dduw, yn cael ein caru nid oherwydd yr hyn a wnawn, ond oherwydd mai cariad yw Duw.
Dduw, diolch iti am waith Crist, sy'n eiriol drosof yn y nefoedd. Helpa fi i ymddiried ynddo ef yn unig am fy iachawdwriaeth.
Ysgrifennwyd y myfyrdod hwn gan Mark Woods, Golygydd Cymdeithas y Beibl.
Read the Bible 
Processing...