Athaleia yn erbyn y Deml: 2 Brenhinoedd 11.1–16 (29 Hydref 2020)

Gweddi

Arglwydd, agor fy nghlustiau i glywed yr hyn sydd gen ti i’w ddweud wrthyf; agor fy nghalon i garu dy air, ac agor fy meddwl i ddeall dy wirionedd.

Darllen

2 Brenhinoedd 11-12 2 Timotheus 2 Hoseia 3-4 Salm 119.121-144

Myfyrdod Dyddiol: 2 Brenhinoedd 11.1–16

Mae’r Brenin Jehu nid yn unig wedi lladd yr Israeliaid oedd yn sefyll yn ei ffordd, ond Ahaseia, brenin Jwda (9.27). Roedd y ffordd yn agored ar gyfer chwyldro palas arall, ond, yn anarferol, mae hyn yn cael ei wneud gan ferch – ei fam Athaleia. Fel chwaraewyr gwrywaidd gêm gorseddau’r cyfnod hwn mae hi’n hollol ddidostur, yn cyflafanu pawb a allai fod yn fygythiad iddi – gan gynnwys, trwy oblygiad, ei hwyrion ei hun. Dim ond un plentyn bach, Joas, sy’n cael ei achub, pan mae ei fodryb Jehosheba yn ei guddio yn y Deml er diogelwch.

Mae Joas wedi’i guddio yn y Deml, ac yn y Deml mae gwrthwynebiad i reol Athaleia yn cael ei feithrin ac yn tanio chwyldro llwyddiannus dan arweiniad yr offeiriad Jehoiada (11.12).

Mae llawer i feddwl amdano yma. Ni all bywyd i gredinwyr, mewn cyfundrefn a reolir gan elynion eilunaddolgar a didostur i Dduw, fod wedi bod yn hawdd, a dweud y lleiaf. Ond ni enillodd Athaleia galon ac enaid Jwda erioed. Roedd ffyddlondeb bob amser dan yr wyneb, ac roedd wedi’i ganoli ar y Deml. Y Deml oedd y lle cafodd ffydd ei gwarchod, cadwyd y brenin diniwed yn ddiogel a siapiwyd ei gymeriad ar gyfer rheolaeth dduwiol.

Heddiw, nid ydym yn meddwl cymaint mewn o ran adeiladau crefyddol – er y gall eglwysi weithiau fod yn fannau noddfa yn erbyn deddfau anghyfiawn. Ond mae’r Eglwys fel corff o gredinwyr yn dal i fod lle dylai’r diniwed allu canfod cymorth, lle mae gwrthwynebiad i anghyfiawnder a chamweddau yn cael ei feithrin, a lle mae ffydd yn Nuw yn cael ei chadw a’i dysgu.

Gweddi

Duw, diolch i ti am dystiolaeth ffyddlon dy bobl sy’n cadw’r ffydd yn wyneb erledigaeth ac eithrio. Helpa fi i beidio anghofio bod fy ninasyddiaeth yn y nefoedd, a chadw fi’n ffyddlon i ti.